Историја на радиостаниците и телевизиите во Кочани

Радио-телевизија Кочани

Радио Кочани емитува од 1953 г. до 2007 г. Скромната стотинаминутна програма се емитуваше на среднобранов предавател со сила од 150 вати. Денес, програмата од 24 часови се емитува преку предавател на средни бранови од 1 КВ и предавател на ултракратки бранови во стерео техника со јачина од 250 В. Бројот на вработените во почетокот бил минимален, а пред се биле ангажирани надворешни соработници како хонорарци или на волонтерска основа. Во денешно време тој број изнесува на вкупно 9 редовно вработени и уште 5 хонорарни соработници во различни дејности.
Фреквенции: 98.40 МХц УКБ (250 W) и 1287 КХц СБ (1 kW).

Телевизија Кочани. Во јуни 1993 година, Радио Кочани, по претходна своја одлука и поднесено барање, од Министерството за информации на Република Северна Македонија доби решение за запишување на јавно гласило - телевизија. Врз основа на тоа решение, тогашниот Окружен суд во Штип изврши дополнување на дејноста и преименување на фирмата во Радиотелевизија Кочани. Во почетокот се стартуваше со реемитување на сателитска ТВ програма, а од 7. септември 1993 година Телевизија Кочани започна со своја програма. Тој ден се смета за официјален почеток на работата на ова гласило. Денес Телевизија Кочани секојдневно емитува десетчасовна програма, со емисии од најразличен карактер.
Фреквенции: 33, 37, 40, 46 канали УХФ.

Радио ББ - Кочани
Фреквенција: 95.70 МХц УКБ